انا اعترض
ان عقلي يبقي فاضي
مش هقبل دماغي تبقي هريسه
عارفين ليه؟
هقولكم
الفنان فلان
اسطوره في مجاله
تتهافت عليه البنات وهتموت عليه
اما الشباب بيقلدوا لبسه وتسريحته
والسلسله الي في رقبته
والوشم الي في دراعه
وبعدين ؟؟؟؟؟؟؟؟؟؟؟؟؟؟
استفدنا ايه من كل ده ؟؟؟؟؟؟؟؟؟؟
صحيح هو صوته جميل وبيمتعنا بيه
او تمثيله جميل وبيقنعنا بيه
او .. او..
ولكن
هو ده القدوه الي الواحد مننا يبصله ويقلده
ايه الي فيه خارق
ايه الي فيه مميز
ايه الي في بارع
المغني بيغني واجهزه الصوت كفيله بانها تخلي صوته روعه
الممثل بؤدي كل جمله لوحدها وبيتمرن عليها كتير قبلها والمونتاج بيجبلك حوار وانفعال مكنشي موجود ساعه التصوير
نادر جدا لما نلاقي ما بين الممثلين او المغنيين واحد او واحده تستحق كل التهافت ده
انا لا اهتم بممثل اتجوز والتاني الي بيحي والتالت الي اشتري عربيه
ولا اهتم بالفنانه الي فستانها شكله ايه والتانيه الي بتعمل ايه و....
يا ريت ندور على اشخاص تستحق اهتمامنا فعلا وتستحق وقتنا الي بنضيعه في الفرجه على نشره روتانا
ده رأي الشخصي ياتري رأيكم ايه
اقبلوا تحياتي